Page 317 - Tagalog for Beginners: An Introduction to Filipino, the National Language of the Philippines

Tuyong-tuyo Very dry
Lupa Earth
Bumaba Went down

Paligid Surroundings
Dibdib Breast

Pinisil Squeeze
Dugo Blood
Pagkalipas ng panahon After some time

Inani Harvested
Binayo Pounded

Itinanim Planted

Alamat ng Bigas *

Noong unang panahon, walang pagkain ang mga tao sa probinsiya ng Bohol.
Humingi sila ng tulong kay Sappia, ang diyosa ng awa. Naawa sa kanila si
Sappia at bumaba siya sa lupa.

Nakita ni Sappia na kulay kayumanggi ang lupa. Dahil walang ulan,
tuyongtuyo ang lupa. Namamatay na sa gutom ang mga tao. Damo lang ang
nakikita sa paligid.
Inilabas ni Sappia ang kanyang dibdib. Pinisil niya ang dibdib, at lumabas
ang gatas. Isa-isa niyang nilagyan ng gatas ang mga damo, pero kulang ang
gatas niya. Humingi siya ng mas maraming gatas sa langit pero nang pinisil
niya uli ang dibdib, dugo ang lumabas.

Bumalik si Sappia sa langit. Mula sa langit, pinanood niya ang mga damo
na mayroon nang mga butil ng palay. Pagkalipas ng panahon, inani ng mga
tao ang palay. Nang binayo nila ang palay, marami sa bigas ang kulay puti.
May mga bigas din na kulay pula.

Parehong masarap ang bigas na puti at bigas na pula. Itinanim ng mga
tao ang ibang palay. Hindi na sila nagutom. Mula sa langit, masayang-
masaya si Sappia.

1. Kanino humingi ng tulong ang mga tao?
2. Sino si Sappia?
3. Bakit tuyong-tuyo ang lupa?