Page 325 - Tagalog for Beginners: An Introduction to Filipino, the National Language of the Philippines
P. 325
Magsugat Be wounded
Balat Outer covering; shell; also, skin
Apoy Fire
Minatamis
Sa ganitong paraan ako nagmamahal,
Dahan-dahan na parang
Gumagawa ng minatamis sa tag-araw.
Iniipon ko ang kamias
Sa isang sisidlan,
Isa-isa na para bang nangangambang
May makaligtaan.
Tinutusok ko ang kamias
Bago iwan sa palamigan
Nang kung ilang araw,
Pagkatapos ay ilalabas
Para pisilin ng mga daliri
At makuha ang katas.
Kailangang mag-ingat
Para huwag magsugat ang balat.
Pinapagulong ko sa asukal ang kamias,
Ibinabalik sa palamigan,
At pag natuyo na’y saka lamang pinapakuluan
Sa arnibal.
Kailangang mabagal at marahan ang apoy
At nang di masunog ang asukal.
Sa ganitong paraan
Din ako magpapaalam. Ginagawang matamis
Ang asim at pait ng tag-araw.
1. Kailan niya ginagawa ang minatamis?
2. Ano ang iniipon niya sa isang sisidlan?
3. Saan niya iniiwan ang kamias nang ilang araw?
