Page 359 - Tagalog for Beginners: An Introduction to Filipino, the National Language of the Philippines

Mahuhuli Will be late
Ulit Again
Mula noong Since

Nagtapos Graduated
Magkakakilala Know each other

Sarili Self
Salamin Mirror

Nakakatanda Make one look old
Nag-diyeta Dieted

Kumatok Knocked
Nakakainis Irritating
Nagpatuwid Had (hair) straightened

Niyayakap Hugs
Komunidad Community

Nambubugbog Person who beats up another
Nakalimutan Forgot

Blow-Dryer

Sira ang blow-dryer sa kuwarto ni Carmen sa hotel. Tiningnan niya ang relo
niya. Alas-sais y medya na. Mahuhuli na siya para sa welcome dinner ng
kanilang class reunion.

Tumawag siya ulit sa housekeeping. “Hello? Gusto ko hong i-follow-up
iyong hair dryer. Sira ho ang hair dryer sa kuwarto ko. Salamat ho.”
Tatlumpung taon na mula noong nagtapos sila ng high school. Pero dahil
magkakaklase sila mula kindergarten, mahigit apatnapung taon na silang
magkakakilala.

Tiningnan niya ang sarili sa salamin. Noong isang linggo, nagpakulay at
nagpagupit siya ng buhok sa beauty salon. Ay, salamat. Wala siyang
nakikitang puting buhok. Nagsimula siyang maglagay ng make-up.
Foundation. Brown eyeshadow. Eyebrow pencil. Blue eyeliner. (Nakakatanda
raw kasi ang itim.) Mascara. Blush-on. Sana nagpa-botox injections ako,
naisip niya. Parang marami siyang wrinkles. Nakakainis.

Nagbihis siya. Asul at berdeng damit na may geometric prints ang isusuot
niya. Maganda ito, naisip niya, hindi nakikita ang extra pounds. Sayang, sana
nag-diyeta bago pumunta sa reunion. Sana mas payat siya.