Page 360 - Tagalog for Beginners: An Introduction to Filipino, the National Language of the Philippines
P. 360
May kumatok sa pintuan. “Heto na ho ang blow dryer ninyo.”
Nilagyan niya ng anti-frizz gel ang buhok niya at nagsimula siyang mag-
blow dry ng buhok. Naiinis siya sa buhok niya. Bakit ba siya may kulot na
buhok? Curly tops nga ang tawag sa kanya noong high school ng kaibigan
niyang si Terry. Sana tuwid na lang ang buhok ko, naisip niya. Sana
nagpatuwid ako ng buhok sa beauty salon.
Alsa-siyete ng gabi nang pumasok siya sa restaurant. Sa isang table,
tumatawa ang isang grupo ng mga babae habang kumakain ng appetizers. Sa
may bar, nag-uusap ang tatlong babae habang nag-oorder ng drinks. Sa
reception area, nakatayo ang dalawang babae na nagbibigay ng mga name
tags.
“Carmen!” Nakangiti si Menchie, ang organizer ng reunion. Niyayakap
siya ni Macon, ang seatmate niya noong high school. Kumakaway sa kanya si
Marlo, ang partner niya sa chemistry lab. Nandoon silang lahat—si Terry, si
Erlinda, si Ruth, si Lily, si Maan, si Celine, si Yeng, si Odette, si Iris, sina
Camille at Elvira... mga classmates niya.
May tumaba, may pumayat. Mayroong brown na—light brown, medium
brown, o dark brown—ang kulay ng buhok. Buong gabi silang nagkukuwento,
tumatawa, nagkukuwento, tumatawa. May classmate na nagrereport para sa
fund-raising project ng mga madre para sa isang mahirap na komunidad.
May nagsalita tungkol sa kanilang cookbook project, The Blue and White
Kitchen . May nag-distribute ng gift bags—may stationery, may ballpens,
may chocolates.
Ipinapakita ni Natilou ang mga larawan ng mga apo niya. Ikinukuwento
ni Gina ang divorce niya sa asawang nambubugbog. Binabati nina Anicia at
Marj si Ging dahil natapos na nito ang kanyang Ph.D.
At nakalimutan ni Carmen ang wrinkles sa mukha, ang extra pounds, at
ang kulot na buhok na ayaw tumuwid.
1. Ano ang problema sa hotel room ni Carmen?
2. Saan pupunta si Carmen?
3. Sino-sino ang mga kaklase ni Carmen?
4. Ano-ano ang mga projects nila?
5. Ano ang ginagawa ng mga babae sa reception area?
Pagsusulat
Write a paragraph about a problem at a hotel room and how it was solved. You can
