Page 43 - REVISTA 3K

Rrjetet sociale më shërbejnë mua

Është i dukshëm ndikimi që rrjetet sociale kanë tek individi. Shpeshherë ato që paraqiten në
rrjetet sociale, na i formësojnë qëndrimet, opinionet dhe sjelljet tona karshi ngjarjeve të caktuara.
Tani me anë të rrjeteve sociale organizata të shumta,e plasojnë informacionin e tyre dhe pret që
masa t’iu ofrojë një përgjigje, reagim dhe qëndrim.

Mjafton një celular që të kontaktosh me dikë në anën
tjetër të botës. Mjafton veç të kërkosh diçka në google dhe merr
çdo informacion. Duke pasur këtë ndikim, rrjetet sociale tanimë po
shërbejnë si kanale përmes të cilave edhe synohet të ndërrohen
sjelljet për të mirë dhe të përmirësohet gjendja aktuale në vend.
Kampanjat e ndryshme ‘online’, thirrjet, postimet mund të
na shërbejnë që të kemi rininë si partnere përgjatë ndërtimit të një
shoqërie më të mirë e më paqësore. Pjesëmarrja aktive e
rinisë në jetën shoqërore gjithsesi do ta shtynte përpara çdo
proces pozitiv në vend.
Ne si rini pak si shumë i kemi dhënë hapësirë në jetën
tonë rrjeteve sociale duke e bërë shokun më të ngushtë celularin
dhe rrjetet sociale e që fatkeqësisht shumica e përdorin vetëm
për humbje kohë, nëse kjo bëhet në këtë mënyre besoni që do
jetë negative dhe e dëmshme për rinin tonë. Duke i menduar
anët negative, gjë që janë të shumta, të bënë të mendosh nëse
teknologjia i ka afruar apo i ka larguar me shumë njerëzit? Mund ta
definojmë kështu se teknologjia ofron shumë, por ti nuk duhet t’i
ofrohesh teknologjisë. T’i shfrytëzosh anët pozitive të teknologjisë,
por të mos lejosh qe teknologjia të të shfrytëzojë ty. Teknologjia ka
ftohur raportet e përditshmërisë.
Të shikosh disa miq në kafene, ku secili rri në celular, kjo
me të vërtet është për të ardhur keq. Kjo të bënë të kuptosh që
jemi aq të varur nga teknologjia. Me përdorimin e rrjeteve sociale,
dukuria e bullizmit është në rritje, mundëson kontakt me llojlloj
personash, je më afër dukurive negative, ndoshta edhe viktimë e
tyre.

Florian SHALA
43