Page 73 - JAHONDA KORRUPTSIYAGA QARSHI KURASH TAJRIBASI

Jamoatchilik muhokamasi ommaviy tarzda, ochiq o’tkazilishi, jamoatchilik

muhokamasining ishtirokchilari jamoatchilik muhokamasiga kiritilgan masalalar

yuzasidan o’z fikrini erkin bildirishi va takliflar kiritishi mumkin. Va albatta, bu

jarayonda ommaviy axborot vositalarining roli juda katta. Jamoatchilik

muhokamasiga olib chiqilayotgan masalalarning dolzarbligini, keng aholiga bu

masalani yetkazadi va munosabatini shakllantiradi.

Ikkinchi shakl, bu jamoatchilik eshituvi, u davlat organlari, mansabdor

shaxslarining faoliyatiga ta’luqli va ijtimoiy ahamiyatga ega bo’lgan yohud

fuqarolar, yuridik shaxslarning huquqlari va qonuniy manfaatlariga, jamiyat

manfaatlariga daxldor masalalarni muhokama qilish maqsadida tashkil etiladi.

Jamoatchilik eshituvining tashkilotchisi jamoatchilik eshituviga kiritilayotgan

masalalar, eshituvni o’tkazish muddati va tartibi to’g’risidagi axborotni oldindan

e’lon qiladi. Bunda tashkilotchi o’z ixtiyoridagi, jamoatchilik eshituviga

kiritilayotgan masalalarga taalluqli bo’lgan materiallardan jamoatchilik eshituvining
barcha ishtirokchilari erkin foydalanishini ta’minlaydi.

Uchinchi shakl, bu jamoatchilik monitoringi bo’lib, u davlat organlari va
mansabdor shaxslarning faoliyatida jamoatchilik manfaatiga daxldor axborotni

yig’ish, umumlashtirish va tahlil etish orqali kuzatish kabilarni amalga oshiradi.

Jamoatchilik monitoringini nodavlat notijorat tashkilotlari, fuqarolarning o’zini-o’zi

boshqarish organlari va jamoatchilik nazoratining boshqa sub’ektlari qonun

hujjatlarida nazarda tutilgan xollarda o’tkazishi mumkin.

To’rtinchi shakl, bu jamoatchilik ekspertizasidir. Uning vazifasi normativ-

huquqiy hujjatlar va davlat organlarining boshqa qarorlari loyixalari fuqarolarning,

yuridik shaxslarning huquqlari va qonuniy manfaatlariga, jamiyat manfaatlariga

muvofiqligini aniqlash uchun ularni o’rganish hamda baholashdan iborat bo’ladi.

Jamoatchilik nazorati fuqarolik jamiyati institutlarining shakllanishi va rivojlanishi

bilan bog’liq tarzda rivojlanadi va istiqbolda fuqarolik jamiyatigi xos bo’lgan o’ziga

xos ochiq va shaffof tizim yaratiladi.
72