Page 85 - JAHONDA KORRUPTSIYAGA QARSHI KURASH TAJRIBASI

hizmat burchiga fidoiylik, davlat va jamiyat manfaatlariga sodiqlik, adolatlilik,

halollik va xolislik, manfaatlar to’qnashuviga yo’l qo’ymaslik kabilardir.

O’zbekiston Respublikasi Konstitutsiyasi 15-moddasida Konstitutsiya va

qonunlarning ustunligi tan olinishi belgilab qo’yilgan. Qonunlar ustun bo’lgan

jamiyatda adolat va tinchlik muqarrar qaror topadi. Mamlakatda davlat

hizmatchilari o’z vazifalarini amalga oshirar ekan, o’zga shaxs yoki guruhlarga yon

bosishliklari mumkin emas, fuqarolarning huquqlari, majburiyatlari, qonuniy

manfaatlarining buzilishi yoki kamsitilishiga umuman yo’l qo’yilmaydi va o’z

vazifalarini vijdonan bajarishlari kerak bo’ladi

Xulosa sifatida shuni qayd etish joizki, O’zbekiston Respublikasida faoliyat

olib borayotgan davlat hizmatchilari o’z vazifalarni bajarishda yoki kadrlarni

tanlash jarayonida qarindoshlik yoki shaxsiy sadoqat belgilari bo’yicha tanlashi yoki
joy-joyiga qo’yish holatlari, rahbar lavozimida faoliyat olib borayotgan shaxslar

guruhbozlik, mahalliychilik, favoritizm ko’rinishlari kabi salbiy holatlar qat’iy

ravishda taqiqlanadi. Ushbu hatti-haraktlar qonun oldida javobgarlikni talab etildi.

Ular manfaatlar to’qnashuvini keltirib chiqaradi va amalda davlat hodimlarining o’z

vazifalariga nisbatan holisona, beg’araz va shaxsiy manfaatdarini ustun

qo’yishliklari kabi illatlada namoyon bo’ladi. Ayniqsa, davlat hodimlari o’z lovozim

tizimida o’zaro qarindosh yoki o`z oila a`zolari bo’lgan shaxslar bilan birga uzviy

bog’liq bo’lgan tizimda ishlashlarini man etadi.

Xullas, kasb odobi - bu insoniyat yaratgan eng oliy sifatlardan bo’lib, u

jamoani yakdillik va halollik, to’g’rilik va sadoqat, ma’suliyat va burch kabi ezgu

fazilatlarning shakllanishi va rivojlanishiga turtki beradi. O’z kasbini sevgan, uni

hurmat qilgan shaxs ijtimoiy holatlar, vaziyat o’zgarishlariga yoki iqtisodiy

imkoniyatga qaramay kasbiga ya’ni o’ziga hiyonat etmaydi.

84