Page 80 - Kelas 8 Buku Siswa Bahasa Sunda -new_Neat

Entut : puguh sedih abdi téh Dandi. Meunang hésé hayang wawuh
jeung si manéhna, meureun isuk mah...
Dandi : Ih sing jelas nyaritana sangkan puguh kadéngéna!
Entut : Meureun isuk mah:
Korsi jok bahanna hoé
Hanjakal teu pati rapih
Tuman amprok unggal poé
Isukan bakal patebih
Boa-boa...:
Rék ngala manuk japati
Deukeut kadu sisi cai
Can lila pakait ati
Meureun kudu putus deui
Nu araya : Euh... sugan téh... kaciaaaaaaaaan deh lo... (Dandi jeung
Entut baralik deui ka tempatna séwang-séwangan)

****
Farhan : (bari médéngkréng) kadangu dulur-dulur? Kitu wé meureun
di sakola téh. Paingan indit paisuk-isuk, balik pabeurang-
beurang, dangdan paménor-ménor, bekel paloba-loba, da...
Nu araya : Da naon?
Farhan : Da... da... resep dialajar sisindiran...
Nu araya : Hih, Jaka Sembung dahar peuteuy, bau euy...!
Farhan : Lain bau, teu nyambung kituh! Kuring mah inget kana
omongan kolot:
Melak lobak dua jajar
Ripuh kalah kalémpohan
Ka sakola rék diajar
Lain kalah bobogohan
Isah : (Nyirintil nyampeurkeun Farhan bari nulak cangkéng)
ulah didangu baraya! Siga anu enya baé. Padahal manéhna
ogé kieu geura:
Tumpak béca rék ka pasar
Balanja kacang jeung uyah
Bébéja arék diajar
Padahal nganjang ka Isah

Pamekar Diajar BASA SUNDA 69
Pikeun Murid SMP/MTs Kelas VIII